दोन दशकांचा समृद्धीचा साथीदार: युटीआय लार्ज अँड मिडकॅप फंड
आंतरराष्ट्रीय अनिश्चितता लक्षात घेता आणि देशात समाधानकारक तेजी असल्याने गुंतवणूकदार सक्रिय व्यवस्थापित फंडाद्वारे निफ्टी लार्ज-मिडकॅप परिघात एखादी एसआयपी वाढविण्याचा विचार करू शकतील लार्ज-मिडकॅप फंड गट निवडण्यामागे अस्थिरतेचा सामना करताना निधी व्यवस्थापकाला अधिक लवचिकता देणारा हा फंड गट आहे. उपलब्ध गुंतवणूकसंधी वेगवेगळ्या बाजार भांडवली कंपन्यांत उपलब्ध आहेत. म्हणून सक्रिय व्यवस्थापित फंडाला प्राधान्य दिले पाहिजे. युटीआय युटीआय लार्ज अँड मिडकॅप फंड हा लार्ज अँड मिडकॅप फंड गटातील दीर्घ इतिहास असलेला फंड आहे. युटीआय टॉप १०० हा फंड १ ऑगस्ट २००५ रोजी अस्तित्वात आला. या फंडाचे नांव पहिल्यांदा युटीआय टॉप १००पासून युटीआय कोअर इक्विटी असे बदलण्यात आले. दुसऱ्यांना ऑक्टोबर २०२३ मध्ये युटीआय लार्ज अँड मिडकॅप असे बदलण्यात आले. ‘निफ्टी लार्ज मिडकॅप २५० टीआरआय’ हा फंडाचा मानदंड निश्चित केला आहे. या फंडाच्या निधी व्यवस्थापनाची धुरा २००९ ते २०१७ सवती कुलकर्णी यांच्याकडे होती. फंड घराण्याने २०१७ पासून निधी व्यवस्थापनाची धुरा श्रीवत्स यांच्याकडे दिली. ते या फंडाचे विद्यमान निधी व्यवस्थापक आहेत. हा फंड गुंतवणूक कालावधी ७ ते १० वर्षे असेल तर गुंतवणूकदार पद्धतशीर गुंतवणूक मार्गाने (एसआयपी) गुंतवणूक करू शकतात. वर उल्लेख केल्यानुसार सध्या मुल्यांकन फार स्वस्त नाही मिड-कॅपचे मुल्यांकन सरासरी मुल्यांकनापेक्षा अधिक आहे. युटीआय लार्ज अँड मिडकॅप फंड अस्तित्वात आल्याला २० वर्षे पूर्ण झाली आहेत. या २० वर्षात फंडाने वार्षिक १३.६६ टक्के दराने परतावा दिला आहे. सुरवातीच्या १ लाख गुंतवणुकीचे १२.४९ लाख झाले आहेत. फंडाचा सुरवातीपासून एसआयपी वार्षिक परतावा १३.७५ टक्के आहे. सुरवातीपासूनच्या १००००च्या एसआयपीचे ऑगस्ट २००५ पासून नोव्हेंबर २०२५ पर्यंत २४४ हप्ते गेले असून २४.४० लाखाच्या गुंतवणुकीचे १,१८, ८५,८४८ झाले आहेत चक्रवाढ वाढीचे (कंपाऊंडिंग) हे एक उत्तम उदाहरण आहे. विनाखंड चाललेली एसआयपी छोट्या गुंतवणुकीतून मोठा निधी निर्माण करू शकते. कोरोना पश्चात फंडाची कामगिरी अधिक मजबूत झाल्याचे दिसते. राहिली आहे. पॉइंट-टू-पॉइंट आधारावर, फंडाने दीर्घ कालावधीत त्याच्या बेंचमार्क निफ्टी लार्ज मिडकॅप २५० टीआरआयला वार्षिक १.५० ते २.०५ टक्क्यांनी मागे टाकले आहे. फंडाने दिलेला मागील पाच वर्षांचा २३.६६ टक्के वार्षिक परतावा फंड गटात तिसऱ्या क्रमांकाचा परतावा आहे. नोव्हेंबर २०२० ते ऑक्टोबर २०२५ दरम्यानच्या पाच वर्षातील ३ वर्षाचा चलत परतावा (रोलिंग रिटर्न) तपासाला असता, ८३.९४ टक्के वेळा फंडाने २० टक्क्यांहून अधिक परतावा दिला आहे. तपशीलवार आकडेवारी कोष्टक क्रमांक १ मध्ये दिली आहे.
फंडाची चलत सरासरी कामगिरी (टक्केवारी) (कोष्टक क्रमांक १)
| सरासरी | कमाल | किमान | १५ ते २०२० पेक्षा अधिक | ||
| युटीआय लार्ज अँड मिडकॅप | २२.६ | २९.८२ | १६.६२ | १६.०६ | ८३.९४ |
| फंड गट सरासरी | २०.६५ | २१.३१ | १३.१ | ४२.५ | ५८.५१ |
नोव्हेंबर २०२० ते ऑक्टोबर २०२५ पर्यंतच्या एनएव्ही नुसार, या फंडाचा अपसाइड कॅप्चर रेशो १०६.२४ आहे, जो दर्शवितो की तेजी दरम्यान फंडाची एनएव्ही मानदंड सापेक्ष अधिक वाढते, आणि डाउनसाइड कॅप्चर रेशो ९६.७५ आहे, जो असे दर्शवितो की घसरणी दरम्यान फंडाचा एनएव्ही मानदंड सापेक्ष कमी घसरतो.
आघाडीच्या दहा उद्योग क्षेत्र निहाय गुंतवणूक (कोष्टक क्रमांक -२)
| उद्योग क्षेत्र | टक्केवारी |
| वित्तीय सेवा | २८.६४ |
| माहिती तंत्रज्ञान | १०.१५ |
| तेल आणि नैसर्गिक वायू | ८.२६ |
| वाहन आणि वाहन पूरक | ८.२५ |
| आरोग्यनिगा | ७.६३ |
| ग्राहकोपयोगी वस्तू | ४.८२ |
| दळणवळण | ४.०२ |
| बांधकाम | ३.२ |
| धातू आणि खाणउद्योग | ३.१८ |
| सेवा | ३.०७ |
तुमची प्रतिक्रिया किवा प्रश्न विचारण्यासाठी खालिल फॉर्म भरा:
Financial decisions can be considered in the context of your goals, time horizon and individual circumstances rather than short-term market movements.
