‘कर्त्यां’चे प्रगतीपुस्तक

म्युच्युअल फंड उद्योगातील व्यवस्थापना खालील मालमत्तेत जानेवारी २०२० मध्ये, डिसेंबरच्या तुलनेत ४.९ टक्के वाढ नोंदवत उच्चांकी २७.८५ लाख कोटींवर पोहचली आहे. एप्रिल २०१९ पासून या आर्थिक वर्षात म्युच्युअल फंडांच्या मालमत्तेत ४.०६ लाख कोटींची (१७.०१%) वाढ झाली आहे. समभाग गुंतवणूककरणाऱ्या फोलीओंची संख्या जानेवारी ६.८९ कोटींवर पोहचली असून, म्युच्युअल फंडांच्या एकूण फोलीओच्या ७८ टक्के आहे. रोखे गुंतवणूक करणाऱ्या फंडाच्या  मालमत्तेच्या ऑक्टोबर डिसेंबर या तिमाहीअखेरील ओहटीनंतर मालमत्तेत जानेवारी महिन्यांत ५९ हजार कोटींची भर पडली मागील बारा महिन्यांत मालमत्तेत सर्वाधिक भर ऑक्टोबर २०१९ महिन्यांतील (९३२०३ कोटी) गुंतवणुक आणि जुलै २०१९ मधील सर्वात कमी (४५४४१ कोटी) गुंतवणुकीदरम्यान होती. समभाग गुंतवणूककरणाऱ्या फंडांच्या एकूण गुंतवणुकीपैकी सर्वाधिक वाटा लार्जकॅप फंडांकडे आहे.( तपशिला साठी आलेख क्रमांक १ पहावा) रोखे गुंतवणूक करणाऱ्या फंडांनी सर्वाधिक ४.१९ लाख कोटींची गुंतवणूक कंपन्यांच्या रोख्यांत (कॉर्पोरेट डेट) मध्ये केली असून त्या खालोखाल ३.०७ लाख कोटींची गुंतवणूक ऋणपत्रात केली आहे. रोखे गुंतवणूक करणाऱ्या फंडाच्या गैरबँकिंग वित्तीय कंपन्यांच्या गुंतवणुकीत झालेली घट ही लक्षवेधी गोष्ट आहे. वर्ष भरापूर्वी म्युच्युअल फंडांच्या एकूण मालमत्तेच्या १९ % गुंतवणूक गैर बँकिंग वित्तीय कंपन्यांशी समंधीत होती. गैर बँकिंग वित्तीय कंपन्यांना कोणी कर्ज अथवा कर्जरोख्यांत गुंतवणूक करण्यास तयार नसल्याने जानेवारी अखेरीस गैर बँकिंग वित्तीय कंपन्यांतील फंडांच्या गुंतवणुकीचे प्रमाण घटून १०.९ टक्क्यांवर आले. समभाग गुंतवणूक करणाऱ्या फंडाच्या गुंतवणुकीचा विचार केल्यास बँका, वित्तीय सेवा, सॉफ्टवेअर, वैयक्तिक वापराच्या टिकाऊ वस्तू, आणि पेट्रोलियम ही सर्वाधिक पसंतीची क्षेत्रे आहेत. या क्षेत्रातील गुंतवणूक एकूण मालमत्तेच्या ५६ टक्के आहे. या पैकी केवळ बँकिंग आणि पेट्रोलियम कंपन्यांच्या उत्सर्जनात वाढ दिसली.

आलेख क्रमांक १

फंड कामगिरीचा तुलनात्मक आढावा घेणाऱ्या या मालिकेतील पहिला भाग २० जानेवारीच्या अंकात प्रसिद्ध झाला. गुंतवणूक विषयक वार्तांकन करणाऱ्या नियुताकालीकांप्रमाणे ‘लोकसत्ता’मधून  कर्ते’ म्युच्युअल फंड या यादीचे प्रतिबिंब त्या नंतर प्रसिद्ध झालेल्या ‘क्रिसिल म्युच्युअल फंड रँकिंग’मध्ये (सीएमएफआर) मध्ये दिसून आले. जे फंड ‘क्रिसिल परफोरमंस रॅकिंग’ (सीपीआर) मध्ये अव्वल स्थानमिळाले, त्या तील बहुतेक फंड नामांकित फंड घराण्यांबाहेरील फंड आहेत. उच्च मालमत्ता बाळगणाऱ्या फंडांची कामगिरी त्यांच्या लौकिकाला साजेशी  न झाल्याने त्यांना क्रिसिलाच्या

क्रमवारीत अव्वल स्थान गमवावे लागले.  हेच प्रतिबिंब या यादीत अगदी कमी फरकांनी उमटलेले दिसेल. या गोष्टीमुळे फंडांची निवड पद्धती काळाच्या कसोटीवर उतरल्याचे सिद्ध झाले आहे. फंड गुंतवणुकीवर परतावा हवा असेल तर फंड गुंतवणुकीच्या सक्रीय व्यवस्थापन आणि मुलभूत गुंतवणूक तत्वांचा उपयोग केल्यास १२ ते १५ टक्के वार्षिक नफा मिळविता येतो हे या फंड निवडीवरून दिसून येते.

Mutual Fund Performance

म्युच्युअल फंड विषयी अधिक माहितीसाठी खालील Form भरा:

[contact-form-7 id=”22″ title=”Contact Me”]