संपत्ती निर्मितीची दशकपूर्ती
म्युच्युअल फंड पोर्टफ़ोलिओ सतत बदलत असतात. या बदलांचा मागोवा घेणे आव्हानात्मक असते. गुंतवणूकदार विविध कारणांनी विविध फंडांकडे आकर्षित होतात. एक गैर समज असा आहे की न्यू फंड ऑफर्समध्ये गुंतवणूक केल्याने गुंतवणूकदारांच्या वैयक्तिक पोर्टफ़ोलिओत वैविध्य येते. तथापि अनेक म्युच्युअल फंड एकाच कंपनीत गुंतवणूक करतात (रिलायंस एचडीएफसी बँक आयसीआयसीआय बँक वैगरे), विशेषतः एकाच फंड गटात पोर्टफोलिओचा बराचसा भाग समान असतो. म्युच्युअल फंड पोर्टफोलिओचा मागोवा घेण्यासाठी पोर्टफ़ोलिओ ओव्हरलॅप टूल’ तुमच्या पोर्टफोलिओचे स्पष्ट चित्र प्रदान करून एकाहून अधिक फंडात असलेल्या समान कंपन्यांचे प्रमाण ओळखण्यास मदत करतात. मोतीलाल ओसवाल मिडकॅप फंड हा मिडकॅप फंड गटात सर्वात कमी कंपन्यांत गुंतवणूक करणारा फंड आहे. प्रत्येक कंपनीत गुंतवणूक जरी जास्त असली तरी कठोर जोखीम नियंत्रणामुळे जोखीम समायोजित परतावा मिडकॅप फंड गटात सरासरीहून अधिक आहे. फंडाच्या गुंतवणुकीत जुलै आणि ऑगस्ट महिन्यांत २० कंपन्यांचा समावेश होता तर मे जून महिन्यांत २४ कंपन्या होत्या. मिडकॅप फंडाचे निधी व्यवस्थापक जोखीम नियंत्रित करण्यासाठी कंपन्यांची संख्या वाढवतात. परिणामी प्रति कंपनी गुंतवणूक कमी होते. एखाद्या कंपनीने चांगला परतावा दिलों तरी क्लान्पान्यांची संख्य अधिक असल्याने त्या कंपनीची कामगिरी परताव्यात प्रतिबिंबित होत नाही. या फंडाचे निधी व्यवस्थापक सखोल संशोधनाअंती निवडक कंपन्यांचा गुंतवणुकीत समावेश करतात. ‘हाय कंव्हीक्शन कंपनीज’ हे पोर्टफोलीओ धोरण असल्याने पोर्टफ़ोलिओ मोठ्या प्रमाणात स्थिर असल्याचे दिसते. मागील महिन्यांत केवळ सोनाटा सॉफ्टवेअरला वगळण्यात आले आणि टाटा एलॅक्सीचा गुंतवणुकीत समावेश करण्यात आला. जुलै महिन्यांत चंबल फार्टीलायझर, एंजलवन, व्होडाफोन, आयडीया, इंडस टॉवर्स, भारत इलेक्ट्रोनिक्स याना वगळ्यात आले. अलीकडे निधी व्यवस्थापक गुंतवणुकीतील कंपन्यांची संख्या कमी करून अनावश्यक अति-वैविध्य टाळत असल्याचे दिसत आहे. हा पोर्टफ़ोलिओ तुमच्या गुंतवणुकीच्या उद्दिष्टांशी आणि जोखीम सहनशीलतेशी संरेखित होईल. या व्यतिरिक्त, पोर्टफोलिओतील कंपन्यांची संख्या कमी केल्याने वित्तीय उद्दिष्टे लवकर साध्य होण्यास सहाय्यभूत ठरते.
तुमची प्रतिक्रिया किवा प्रश्न विचारण्यासाठी खालिल फॉर्म भरा:
Financial decisions can be considered in the context of your goals, time horizon and individual circumstances rather than short-term market movements.
