भारतात वित्तीय सेवा क्षेत्राचा वेगाने विस्तार होत आहे. विद्यमान वित्तीय सेवा कंपन्या नवनवीन क्षेत्रात पदार्पण करीत आहेत. भारतातील बँकिंग आणि वित्तीय सेवा क्षेत्र त्यांच्या जागतिक व्यवसायांच्या तुलनेत स्पर्धात्मक आहेत. कोविड वर्षांनंतर जेव्हा अर्थव्यवस्थेने पुन्हा उभारी घेतली तेव्हा बँकिंग वित्तीय सेवा आणि विमा (बीएफएसआय) क्षेत्र वेगाने पुनरुत्थान केलेले उद्योग क्षेत्र होते. गुंतवणूकदार सामान्यत: वित्तीय सेवा क्षेत्र बँकिंग आणि ‘नॉन-बँकिंग’ वित्तीय कंपन्यांपूरते सीमित राखतात तथापि, वित्तीय सेवा क्षेत्र व्यापक आहे. त्यात सावकारी (लेंडिंग बिझनेसेस) सोबत बिगर सावकारी व्यवसायांचा समावेश आहे. जसे की मालमत्ता व्यवस्थापन कंपन्या (एचडीएफसी म्युच्युअल फंड, निप्पॉन म्युच्युअल फंड) , बाजार मंच (बीएससी, एमसीएक्स) , दलाली पेढ्या (एंजल वन, जीओजीत), जीवन विमा (एलआयसी, एसबीआय लाईफ), क्रेडीट रेटिंग्ज कंपन्या (क्रिसिल, केअर) सर्वसाधारण विमा आणि पुनर्विमा कंपन्या (एचडीएफसी अर्गो आयसीआयसीआय लोम्बार्ड जीआयसी आरइ) , फिनटेक कंपन्या (पॉलिसी बझार, कॅम्स, पेटीएम) इत्यादींचा समावेश आहे. भारतात मोठी बँकिंग व्यवस्था आहे. भारतीय बँकिंग प्रणालीमध्ये कर्ज वाटप करणाऱ्या १२ सार्वजनिक क्षेत्रातील बँका, २१ खाजगी क्षेत्रातील बँका, ४४ परदेशी बँका यांच्या सोबत प्रादेशिक ग्रामीण बँका, सहकारी बँका, लघु वित्त बँका आणि पेमेंट बँका यांचा समावेश आहे. बँकांव्यतिरिक्त, ९,३०६ एनबीएफसी आणि २७ मालमत्ता पुनर्बांधणी कंपन्या (एआरसी) आरबीआयकडे नोंदणीकृत आहेत. भारतातील विमा उद्योगात २७ जीवन विमा, ७ आरोग्य विमा आणि २७ सामान्य विमा कंपन्या आहेत. एलआयसी जगातील संख्येने सर्वाधिक पॉलिसी विकणारी कंपनी आहे या व्यतिरिक्त क्रेडीट ब्युरो, अकौंट एग्रीकेटर्स, असे तुलनेने लहान व्यवसाय (स्मॉलकॅप) सुद्धा गुंतवणुक पर्याय उपलब्ध आहेत.भारतातील वित्तीय क्षेत्र हे प्रामुख्याने बँकिंग क्षेत्र असले तरी करोना पश्चात अनेक वित्तीय सेवा क्षेत्रे नव्याने उदयाला आली आहेत. बँकिंग आणि वित्तीय सेवा क्षेत्रातील गुंतवणूक संधींचा लाभ घेण्यासाठी महिंद्रा मनूलाईफ बँकिंग अँण्ड फायनांशिअल सर्व्हिसेस फंड उपलब्ध करून दिला असून फंडाचा ’एनएफओ’ २७ जून रोजी सुरु झाला असून ११ जुलै रोजी बंद होईल.