गेल्या सहा महिन्यांत शेअर बाजारात मोठी घसरण झाली आहे आणि बाजाराचे निर्देशांक २६ सप्टेंबर २०२४ रोजी शिखराला स्पर्श करून माघारी फिरले. लार्जकॅप निर्देशांकात (बीएसइ १०० निफ्टी वैगरे) १४ टक्यांहून अधिक घसरण झाली आहे. मिडकॅप स्मॉलकॅप आणि काही क्षेत्रीय निर्देशांक त्याहून अधिक घसरले आहेत. बाजारातील ही घसरण जेव्हा कधी कधी थांबेल आणि आणि निर्देशांकात सुधारणा होईल तेव्हा सर्वात आधी लार्जकॅपमध्ये पुन:प्राप्होईल. बाजारातील घसरणीमुळे लार्जकॅपचे मुल्यांकन आकर्षक आणि दीर्घकालीन गुंतवणुकीच्या पातळीवर आले आहे. आयसीआयसीआय पृडेंशिअल ब्लूचीप हा लार्ज कॅप फंड असून लार्जकॅप फंड गटात सर्वाधिक मालमत्ता असलेला फंड आहे. २८ फेब्रुवारी २०२५ रोजी फंडाची मालमत्ता ६०,१७७ कोटी होती. लार्जकॅप फंड गटात ५० हजार कोटींपेक्षा अधिक मालमत्ता असलेला हा एकमेव फंड आहे. या फंडाने मानदंड ‘निफ्टी १०० टीआरआय’ सापेक्ष गेल्या काही वर्षांत सातत्याने चांगली कामगिरी केली असल्याने या फंडाची शिफारस केली आहे. मध्यम जोखिम असलेल्या गुंतवणूकदारांसाठी, लार्ज-कॅप फंड हे दीर्घकालीन दृष्टिकोनातून गुंतवणुकीचे आदर्श साधन असल्याने, उच्च जोखीम न घेता आणि तुलनेने कमी अस्थिर पोर्टफोलिओची निवड करतांना लार्ज-कॅप फंड हे गुंतवणूकदारांच्या पोर्टफोलिओचा मुख्य भाग (कोअर पोर्टफोलिओ) असण्याचे दीर्घकालीन संपत्ती निर्मिती होऊ शकेल. या संदर्भात, आयसीआयसीआय पृडेंशिअल ब्लूचीप हा एक फंड आहे ज्याचा गुंतवणूकदार किमान ५-७ वर्षांच्या दीर्घकालीन दृष्टीकोनातून विचार करू शकतात. मे महिन्यांत हा फंड १७ वर्षे पूर्ण करून १८ व्या वर्षात प्रवेश करेल. या फंडाला दीर्घ कालावधीचा ट्रॅक रेकॉर्ड आहे. फंडाने सुरवातीपासून १४.५१ टक्के वार्षिक दराने परतावा दिला आहे.