पोर्टफ़ोलिओ रचना

फ्रँकलिन इंडिया फ्लेक्सीकॅपने गुंतवणुकीसाठी कंपन्यांच्या निवडीमध्ये लार्ज-कॅप कंपन्यांना प्राधान्य दिले आहे. साधारणपणे फंडाच्या पोर्टफ़ोलिओमध्ये ५६-५७ कंपन्यांचा समावेश असतो. फंडाच्या पोर्टफोलीओ मध्ये लार्ज-कॅपचे प्रमाण एकूण पोर्टफोलिओच्या ७३.३० टक्के आहे. मागील दहा वर्षात अल्प कालावधीत लार्जकॅपचे प्रमाण ७० टक्क्यांपेक्षा कमी झाले होते. मिडकॅपचे प्रमाण १६.०१ टक्के तर स्मॉलकॅपचे प्रमाण ५.३९ टक्के आहे. साधारण ७५ टक्के लार्जकॅप आणि २५ टक्के मिड आणि स्मॉल कॅप अशी पोर्टफोलीओची रचना राहिली आहे. ऑक्टोबर २०२३ मधील भू-राजकीय तणावामुळे आणि त्यावेळी वेगाने वाढणाऱ्या अमेरिकेच्या फेडरल रोख्यांच्या परताव्याच्या दरातील वाढीमुळे निर्माण झालेल्या अस्थिरतेसारखे दुर्मिळ प्रसंग वगळता, फंडाने पोर्टफोलिओच्या ५ टक्क्यांपेक्षा कमी रोख रक्कम ठेवल्याचे दिसून येते. लार्ज-कॅप क्षेत्रात, विशेषतः अलीकडील घसरणीनंतर, मूल्यांकन अभूतपूर्व निच्चांकी पातळीवर असल्याने, पोर्टफोलिओची लार्जकॅप केंद्रित रचना फंडाला पुढील २ ते ३ वर्षात ३२ वर्षातील पाच ३ वर्षाची सर्वोत्तम चलत परतावा देण्याची अपेक्षा गुंतवणूकदार बाळगू शकतात. फंडाची सर्वाधिक गुंतवणूक खाजगी बँका (२१.७९ टक्के) वाहन निर्मिती आणि पूरक उत्पादने (९.५२ टक्के), रोकड (५.०५ टक्के), सेवा (४.९९ टक्के), किरकोळ विक्री दालने (४.८४ टक्के), अभियांत्रिकी आणि भांडवली वस्तू (४.४५ टक्के) या उद्योग क्षेत्रात सर्वाधिक गुंतवणूक आहे. या व्यतिरिक्त फंडाची गुंतवणूक बांधकाम, पायाभूत सुविधा दूरसंचार, सिमेंट आणि सिमेंट उत्पादने यांसारख्या क्षेत्रांमधील गुंतवणूक ही इतर प्रमुख उद्योगक्षेत्रे आहेत आणि बाजार व उद्योगाच्या परिस्थितीनुसार त्यात बदल केला जातो. हा फंड प्रामुख्याने ‘व्हॅल्यू इन्व्हेस्टिंग’ला प्राधान्य देतो. पोर्टफोलिओमध्ये मिड आणि स्मॉलकॅप मधील काही ‘ग्रोथ पिक्स’चाही समावेश आहे. मिड आणि स्मॉल-कॅपमध्ये निवडक उद्योग क्षेत्रांमध्ये ही संधी उपलब्ध असल्याचा फायदा निधी व्यवस्थापक उचलत आहेत. नव्याने गुंतवणुकीत समावेश केलेली शैली इंजिनिअरिंग प्लास्टिक्स आणि एसबीएफसी फायनांस ही वानगीदखल उदाहरणे म्हणून पाहता येतील. जिथे लार्ज-कॅप स्टॉक्सची उपलब्धता मर्यादित आहे, जसे की वाहन पूरक उत्पादे, औद्योगिक उत्पादने, भांडवली वस्तू इत्यादी. हा फंड काही प्रमुख कंपन्यांमध्ये मोठी गुंतवणूक करतो. एकूण पोर्टफोलिओमध्ये आघाडीच्या ५ गुंतवणुकीचे प्रमाण २५ टक्के तर आघाडीच्या १० गुंतवणूकांचे प्रमाण ४१ टक्के आहे.