‘एसबीआय मॅग्नम कॉन्स्टंट मॅच्युरिटी’ हा या फंड गटातील सर्वात जुना फंड आहे. हा फंड केवळ सरकारी रोख्यांमध्ये (जी-सेक) गुंतवणूक करतो, म्हणजेच यात पत विषयक शुन्य असते. हा फंड ८ ते ११ वर्षे मुदतीच्या रोख्यांत अशी गुंतवणूक करतो जेणे करून पोर्टफोलिओ उर्वरित कालावधी सरासरी १० वर्षांचा राहील यामुळे वेगवेगळ्या कालावधीचे निर्णय घेण्याची चूक होण्याची शक्यता टाळली जाते. ‘एसबीआय मॅग्नम कॉन्स्टंट मॅच्युरिटी’ हा फंड ५ वर्षे किंवा त्याहून अधिक कालावधीच्या मुदत ठेवींसाठी पर्याय ठरू शकतो. केंद्र सरकारच्या रोख्यांत गुंतवणुकीसाठी रिझर्व्ह बँकेने ‘आरबीआय रिटेल डिरेक्ट’ ही सुवीध उपलब्ध करून दिली असली तरी . सामान्य गुंतवणूकदारांसाठी सरकारी रोख्यांमध्ये थेट गुंतवणूक करणे अजूनही कठीण आहे. या फंडात गुंतवणू करणे म्हणजे केंद्र सरकारच्या १० वर्षे मुदतीच्या रोख्यंत गुंतवणूक करण्यासारखे आहे. याच कारणामुळे ‘एसबीआय कॉन्स्टंट मॅच्युरिटी’ फंडाची शिफारस दीर्घकालीन पोर्टफोलिओसाठी करत आहे. वर उल्लेख केल्याप्रमाणे ५ ते ७ वर्षांपेक्षा जास्त कालावधीच्या गुंतवणुकीत डेट फंडाची भूमिका केवळ सुरक्षितता प्रदान करणे आणि रोकड सुलभता देणे ही असते. सध्याच्या परीस्थित या आधीच्या लेखांशी विसंगत वाटू शकते, कारण सध्या दीर्घ कालावधीच्या मिडीयम टू लॉंग ड्युरेशन आणि लॉंग ड्युरेशन रोखे गुंतवणूक करण्यापेक्षा शॉर्ट ड्युरेशनआणि ओव्हर नाईट फंड चांगला परतावा देत आहेत. हे विधान प्रामुख्याने अशा गुंतवणूकदारांसाठी आहे ज्यांचा गुंतवणुकीचा कालावधी ५ वर्षांपेक्षा कमी आहे. मालमत्ता विभाजनावर विश्वास असणाऱ्या गुंतवणूकदारांनी या फंडाचा आवर्जून विचार करावा.