उभारता फ्लेक्झीकॅप
अलिकडच्या आठवड्यात बाजार निर्देशांक नवीन उच्चांक बनवत आहेत आणि उंचावलेल्या मूल्यांकनांबद्दल चिंता वाटावी अशी परिस्थिती असून देखील तेजी अबाधित राहिलेली दिसत आहे. गेल्या वर्षभरात मिड- आणि स्मॉल-कॅप कंपन्यांनी मोठ्या प्रमाणावर संपत्ती निर्मिती केली असल्याने मिड आणि स्मॉल कॅप कंपन्यांचे मुल्यांकन दीर्घकालीन सरासरीपेक्षा अधिक आहे. व्यापक बाजारातील तेजी गुंतवणूकदारांसाठी फायदेशीर असू शकली, तरी अशा परिस्थितीत, लार्ज-कॅप्सकडे कललेला फ्लेक्सी-कॅप फंड गुंतवणूकदाराची जोखीम कमी करू शकेल. ‘३६० वन फ्लेक्सिकॅप फंडा’ची सुरवात ७ जुन २०२३ रोजी झाली. लहान फंड घराणे असून देखील १४ महिन्यांत फंडाच्या मालमत्तेने १००० कोटींचा टप्पा ओलांडला. दीर्घकालीन दृष्टीकोन असलेल्या गुंतवणूकदारांसाठी हा फंड एक चांगली फंडाची निवड ठरू शकते. फंडाने कमी कालावधीत आश्वासक कामगिरी केली आहे. दीर्घकालीन सिस्टिमॅटिक इन्व्हेस्टमेंट प्लॅन (SIP) अवलंबवणे संपत्ती निर्मितीसाठी उचित ठरू शकते. ‘३६० वन फ्लेक्सिकॅप फंडाची गेल्या वर्षभरातील कामगिरी आश्वासक वाटल्याने या फंडाची निवड केली आहे. मागील सोळा महिन्यांच्या कालावधीत, फंडाने पॉइंट-टू-पॉइंट आधारावर ४२ टक्के परतावा दिला असून फंड गटात हा फंड, ३९ फंडांपैकी सहाव्या स्थानी आहे . मागील पाच तिमाहीत या फंडाने, या फंडाचा बीएसइ ५०० टी आरआय मान दंड असून गेल्या पाच तिमाहीत मानदंडसापेक्ष किमान ३ ते ६ टक्के अधिक परतावा मिळविला आहे. गेल्या पाच तिमाहीत त्रैमासिक चलत सारासारी आधारे या फंडाने ९९.९७ वेळा (दिवशी) फंडाने त्याच्या मानदंड असलेल्या बीएसइ ५०० टीआरआय’ला मागे टाकले आहे. याच कालावधीत या फंड गटात त्रैमासिक चलत सरासरी मानदंड सापेक्ष सापेक्ष अधिक परतावा मिळवील्याची सरासरी ८७ टक्के आहे. फंड अस्तित्वात आल्यापासूनचा कालावधी कमी असल्याने कदाचित या निष्कर्षावर्क अनुमान काढणे आततायी ठरण्याची शक्यता आहे. मागील १६ महिन्यांच्या कालावधीत फंडाने ४८ टक्के एसआयपी परतावा दिला आहे. या फंडाचा मानदंड असलेल्या बीएसइ ५०० टीआरआय’च्या ‘एसआयपी’ने याच कालावधीत २९.२२ टक्के परतावा दिला आहे. ( सर्व आकडे फंडाच्या रेग्युलर ग्रोथ एनएव्ही नुसार आहेत.) फंडाचा अपसाइड कॅप्चर रेशो १०२.०७ असून या फंडाच्या हा फंड तेजी दरम्यान बेंचमार्कपेक्षा अधिक वाढते डाऊनसाइड कॅप्चर रेशो ८६.२२ असून घसरणी दरम्यान हा फंड दुसऱ्या स्थानी असल्याने अधिक जोखीम संभवते. या फंड जोखीम घेऊन अधिक परतावा मिळविणारा फंड आहे. ही कामगिरी जुलै २०२३ ते सप्टेंबर २०२४ कालावधीतील उपलब्ध आकडेवारीवर आधारित आहे.
बँका आणि आर्थिक सेवा, माहिती तंत्रज्ञान, टेलीकॉम, ही फंडाची गुंतवणूक असलेली प्रमुख उद्योग क्षेत्रे राहिली आहेत. फंडाच्या सुरवातील, फंडाच्या कामगिरीला बँकांची साथ लाभली असली तरी बँकांच्या समभागांचे भाव शिखरापासून ३३ टक्के घसरले आहेत. हा फंड संपूर्ण बाजार मुल्य साखळीत, समभाग आणि समभाग संबंधित गुंतवणूक साधनांत गुंतवणूक करून आणि रोकड सुलभता राखण्यासाठी उरलेला भाग रोखे आणि मनी मार्केट साधनांत गुंतवून दीर्घकालीन भांडवली लाभ प्राप्त करणे हे या फंडाचे उद्दिष्ट आहे. ‘मॉर्निंगस्टार’ने ‘३६० वन फ्लेक्सिकॅप फंडाची’ जोखीम मध्यम आणि परतावा अपवादात्मक असा आहे. फंडात सप्टेंबर अखेरीस ३.१८ टक्के रोकड आहे. फंडाच्या आघाडीच्या गुंतवणुकीत एचडीएफसी बँक, टाटा मोटर्स, चोलामंडलम इन्व्हेस्टमेंट अँड फायनान्स कंपनी आणि इन्फोसिस यांचा समावेश आहे.
फंडाचा पोर्ट फ़ोलिओ पहिल्या पासून लार्ज-कॅप केंद्रित असून पोर्टफोलिओमध्ये लार्ज कॅपची मात्रा किमान ३८ टक्के तर कमाल ४८ टक्के मानदंड असलेल्या निर्देशांकात लार्जकॅपची मात्रा ८० टक्के आहे. फंडाने साधारण जुलै २०२३ पासून लार्जकॅप मधील मात्रा कमी करून स्मॉल-कॅप समभागांमधील गुंतवणूक टप्प्याटप्प्याने वाढवली आहे. ताज्या आकडेवारी नुसार पोर्टफोलिओत स्मॉलकॅपचे प्रमाण २४ टक्के आहे. एकंदरीत, चांगल्या तेजी मुळे आणि लार्जकॅपचे प्रमाण योग्य राखल्याने फंडाने गेल्या काही महिन्यांत बाजारातील व्यापक तेजीचा फायदा उठवला आहे. फंडाच्या गुंतवणुकीत ४४ ते ४८ कंपन्यांचा समावेश असतो. कंपन्यांच्या निवडीत व्हॅल्यू आणि ग्रोथ शैली दोन्ही नांदताना दिसतात. गेल्या वर्षी माहिती तंत्रज्ञान कंपन्यांच्या वाढत्या गुंतवणुकीनंतर फंडाने नंतर वाऱ्याची दिशा ओळखून माहिती तंत्रज्ञान क्षेत्रातील गुंतवणूक कमी केली. पोर्टफोलीओ सक्रीय व्यवस्थापित असल्याने अलिकडच्या काही महिन्यांत, फंडाने नव्याने सूचीबद्ध झालेला बजाज हौसिंग आणि एसबीआय कार्ड्सचा नव्याने गुंतवणुकीत समावेश केला तर अॅक्सीस बँक आणि ज्यूबीलीएंट फूड वर्क्स यांना गुंतवणुकीतून वगळले आहे.
एकंदरीत, विचार करता दीर्घकालीन स्थिर कामगिरी असलेल्या फंडाच्या शोधात असलेल्या आणि सरासरीपेक्षा जास्त जोखीम घेऊ इच्छिणाऱ्या गुंतवणूकदारांनी हा एक एसआयपी गुंतवणूकीसाठी हा फंड एक चांगला विकल्प आहे. हा फंड कोअर इंवेस्टमेंट या गटात मोडणारा नसल्याने फंडाच्या कामगिरीवर बारीक लक्ष ठेवणे आवश्यक आहे. म्युच्युअल फंडातील गुंतवणूक बाजार जोखमीच्या अधीन असते. आणि गुंतवणूक करण्यापूर्वी माहिती पत्रक सखोल अब्यासावे हा वैधानिक इशारा लक्षात घ्यायाल हवा.
तुमची प्रतिक्रिया किवा प्रश्न विचारण्यासाठी खालिल फॉर्म भरा:
Keep in Perspective
Financial decisions can be considered in the context of your goals, time horizon and individual circumstances rather than short-term market movements.
