अनेक गुंतवणूकदारांचा असा गैर समज आहे की माझ्या पैशांचे व्यवस्थापन समंधीत फंडाचा निधी व्यवस्थापक करीत असतो. मी थेट (डायरेक्ट) किंवा कोणत्याही वितरकाच्या मार्फत पैसे गुंतविले तरी माझ्या गुंतवणुकीवर त्याचा परिणाम होत नाही. सामान्यतः,पूर्व निश्चित मानदंड सापेक्ष अतिरिक्त परताव्याला ‘अल्फा’ असे संबोधले जाते. एखाद्या पोर्त्फोलीओचा मानदंड सापेक्ष अतिरिक्त परताव्याला ‘अॅडव्हायजरज अल्फा’ म्हणतात. एकूण परताव्यात सुधारणा करण्याच्या दृष्टीने व्यावसायिक सल्लागाराच्या सल्ल्या नुसार गुंतवणूक केल्यामुळे अमेरिकेसारख्या विकसित बाजारपेठेत वार्षिक दिड ते दोन टक्के अतिरिक्त परतावा परतावा मिळाल्याचे सिद्ध झाले आहे. भारतातील गुंतवणूकदरांची आर्थिक साक्षरता लक्षात घेता हे अतिरिक्त परताव्याचा दर चार ते पाच टक्के असतो असे मानण्यात येते. गुंतवणूक सल्लागार हा तुमचा आर्थिक नियोजनात भागीदार असतो. तुम्हाला २० वर्षांत निवृत्त व्हायचे आहे किंवा तुमच्या मुलाला १० वर्षांनी परदेशात शिक्षणासाठी पाठवायचे आहे, तर तुमची आर्थिक उद्दिष्टे पूर्ण करण्यासाठी, तुम्हाला कुशल व्यावसायिक गुंतवणूक मार्गदर्शकाची (एमएफडी / आरआयए) आवश्कता असते. अमेरिकेतील जवळपास ६० टक्के लोकसंख्येच्या तुलनेत भारतात लोकसंख्येच्या केवळ ४ टक्के हिस्सा भांडवली बाजारात सक्रीय आहे. आधुनिक काळात मुलभूत गुंतवणूक संशोधन (फंड निवड) ही मानवी भावनांपेक्षा तंत्रज्ञानाच्या आधारे सिद्ध निकषांनुसार केल्यास अधिक परतावा (‘अॅडव्हायजरज अल्फा’) मिळविता येतो. जागतिक मालमत्ता व्यवस्थापन क्षेत्रात मान्यता पावलेल्या शिकागोस्थित ‘मोर्निंगस्टार’ या १९८४ पासून कार्यरत असलेल्या आणि फंड निवडीकरिता तंत्रज्ञान विकसित केले आहे. या पाक्षिक सदरातून वाचकांच्या पोर्टफ़ोलिओचे मूल्यमापन याच सिद्ध निकषांनुसार करण्यात येईल. वाचकांनी त्यांच्या पोर्टफोलीओचा एक्स-रे काढूनघेण्यासाठी कॅम्स ऑनलाईनवर उपलब्ध होणारा तपशील इमेल करायचा आहे. या ई कॅस स्टेटमेंटनुसार उपलब्ध होणाऱ्या तपशिलानुसार झालेल्या चुका वाचकांच्या निदर्शनास आणून त्यावर सुधारणा सुचविणार आहे. या सदराला वाचकांचा अपेक्षित प्रतिसाद लाभेल अशी आशा बाळगतो.