या रणनीतीमध्ये काही शिस्तीची आवश्यकता असते. कारण अल्प-मुदतीतील संधी कधी सुरू झाल्या हे ओळखण्यास आणि नंतर दीर्घकालीन मालमत्तेच्या स्थितीत पोर्टफोलिओचे संतुलन साधण्यासाठी आपण प्रथम सक्षम असणे आवश्यक असते. आज ज्यांचा पोर्टफ़ोलिओ विश्लेषणासाठी घेतला आहे त्या मृदुला किर्लोस्कर पुण्यात माहिती तंत्रज्ञान क्षेत्रात काम करतात. गुंतवणुकीचा एकमेव उद्देश सेवानिवृत्ती नियोजन हा आहे. सेवानिवृत्तीस अद्याप १८ वर्षे शिल्लक आहेत. एकूण बाजार मुल्यापैकी १९ लाख रोखे गुंतवणूक करणाऱ्या फंडात आहेत.  १०० टक्के गुंतवणूक एक रक्कमी असून एकही एसआयपी सुरु नाही. त्यांचा बाजारातील वेळ साधण्यावर विश्वास आहे. बाजारातील सध्या वेळ गुंतवणुकीला कशी आहे याची विचारणा करणारी मेळ त्यांनी पाठवली होती. एसआयपी गुंतवणुकीचे फायदे नव्याने पुन्हा सांगण्याची आवश्यकता नाही.  सध्याचा त्यांचा मासिक खर्च ४० हजार असून सेवा निवृत्त होतांना मासिक खर्च १.३५ लाख रुपये दरमहा झाला असेल. त्यांना ३.१५ कोटी सेवानिवृत्ती कोषाची आवश्यकता भासणार आहे. सध्याचा ७० लाखांचा कोश जमेस धरता त्यांना दरमहा २१ हजाराची एसआयपी  समभाग गुंतवणूक करणाऱ्या फंडात करणे आवश्यक आहे. ही एसआयपी करण्यासाठी कँनरा रोबेको फ्लेक्झीकॅप,  युटीआय मास्टर शेअर आणि निप्पॉन इंडिया फोकस्ड इक्विटी फंड सुचवीत आहे. या फंडात प्रत्येकी ७ हजाराची एसआयपी करावी.