म्युच्युअल फंडांची कार्यक्षमता निश्चित करण्यासाठी ट्रेलिंग रिटर्नस (अनुगामी परतावा) आणि रोलिंग रिटर्नस (चलत सरासरी) हे दोन निकष आहेत. सामान्य गुंतवणूकदार एका निश्चित कालावधीसाठी जसे की, १ वर्ष , २ वर्षे ३ वर्षे ५ वर्षे किंवा सुरवातीपासून कालावधीचा अनुगामी परतावा पाहून फंड निवड करीत असतात. या परताव्यांना पॉइंट-टू-पॉइंट रिटर्न असेही म्हणतात. तर चलत सरासरी रोलिंग रिटर्नला पीरियड रिटर्न असेही म्हणतात, ते विविध कालावधीतील परताव्यांची गणना सक्षमपणे करतात. जेसे की पाच वर्षे कालावधीतील तीन वर्षाचा चलत परतावा हा निर्धारित वेळेतील (तीन वर्षे) पाच वर्षांसाठी (जुलै २०१७ ते जून २०२२) कालावधीत मोजता येतो. विशिष्ट कालावधीत परतावा मोजला जात असल्यामुळे परताव्याचा पूर्वाग्रह दोष टाळता येतो. चलत परतावा बघून, गुंतवणूकदार हे समजू शकतात की फंडाचा परतावा एखाद्या विशिष्ट टप्प्यावर (तेजीच्या किंवा मंदीच्या कालावधीत) कसा होता. जर एखाद्या गुंतवणुकीने १० वर्षांच्या कालावधीत ९% वार्षिक परतावा दिला असेल तर दहा वर्षात दर वर्षी -५%, २०% ७% -३२% …. या सारखा परतावा मिळाला असण्याची शक्यता आहे. दहा वर्षात ४ वर्षे नफा आणि ६ वर्षे तोटा झाला असण्याची शक्यता आहे. एखाद्या वर्षी गुंतवणुकीत ३५ टक्के वाढ झाली असेल तर एखाद्या वर्षी १२ टक्के घट झाली असण्याची शक्यता आहे. तर चलत परताव्याचे विश्लेषण केल्यास वार्षिक कामगिरी फंड कामगिरी १ जानेवारीपासून सुरू होऊन ३१ डिसेंबरला संपत नाही. या परताव्यात सातत्य असते. एकाद्या गुंतवणुकीच्या १० वर्षांच्या कालावधीतील चलत परतावा या स्वरूपात गुंतवणुकीचे सर्वोत्तम तीन वर्षे आणि सर्वात वाईट तीन वर्षे दर्शवतो.