दिवस सुगीचे सुरु जाहले

फंडाच्या गुंतवणुकीत असलेल्या हिंदुस्तान युनिलिव्हर मारुती सुझुकी या सारख्या कंपन्यांनी एप्रिल जून तिमाहीच्या निकालांवर भाष्य करून असे सूचित केले की वर्ष २०२२ मध्ये महागाईमुळे त्यांच्या उत्पादनांच्या मागणीत घट झाली होती. तसेच पुरवठा साखळी विस्कळीत झाल्याने कच्च्या मालाच्या किंमतीत वाढ झालि. परिणामी नफ्याचे प्रमाण घटले. या पार्श्वभूमीवर (एप्रिल जून २०२३या कालावधीत) मागणीत वाढ दिसून आली असून महागाईकमी झाल्याने नफ्याचे प्रमाण सामान्य होत आहे. विक्री वाढविण्यासाठी कंपन्या जाहिरातींच्या खर्चाला चालना देण्यास सज्ज झाल्या आहेत. एप्रिल २०२० ते डिसेंबर २०२२ हा सर्वात वाईट मंदीचा कालावधी संपुष्टात आला असून गणपती ते दिवाळी या उत्सवी हंगामात कंपन्या नवीन उत्पादने बाजारात उतरविण्यास सज्ज झाल्या आहेत. मॅरिको सारख्या कंपन्या नफ्याचे अधिक प्रमाण असलेली आरोग्यदायी खाद्यपदार्थ, निरोगीपणा, पुरूषांची सौदर्यप्रसाधने, न्यूट्रास्युटिकल्स इत्यादीसारख्या वेगाने वाढणाऱ्या बाजारपेठेत आपले स्थान बळकट करण्याची रणनीती आखत आहेत. दुसऱ्या बाजूला रिझर्व्ह बँकेचे ग्राहक आत्मविश्वास निर्देशांक (कन्झ्युमर कॉंफीडंस इंडेक्स) सकारात्मक संकेत देत आहे. अत्यावश्यक आणि अनावश्यक गोष्टींवर खर्च करण्यात जानेवारी २०२३ पासून लक्षणीय सुधारणा झाली आहे. वर्तमान परिस्थिती निर्देशांकात चांगल्या पुनर्प्राप्तीचे संकेत नजीकच्या काळात मागणीत वाढ होण्याचे संकेत मिळत आहेत. वाढत्या महागाईने २०२२ मध्ये सर्वच ग्राहकाभिमुख उत्पादनांच्या मागणीत घट झाली होती. एप्रिल २०२३ पासुन बदलाचे संकेत दिले आहेत. वर्ष २०२२च्या चारही तिमाहीत कंपन्यांच्या ग्रामीण भारतातील मागणीत सातत्याने घट होत होती. एप्रिल-जून २०२३ पासून आधीच्या तिमाहीच्या तुलनेत ३ टक्के वाढ झाली असून गैर-खाद्य श्रेणींमध्ये मूल्यवृद्धी झाल्याचे आढळले.