बाजाराच्या वर्तनाचा अंदाज लावणे कठीण असते. बाजाराच्या वर्तनाचा अंदाज लावत आम्ही आमच्या गुंतवणुकीत थोडेफार बदल करीत असतो. जागतिक आणि भारतीय बाजारांचा विचार केल्यास २०२३च्या पूर्वार्धात जागतिक समस्या अधिक तीव्र होतील. महागाई आणि व्याजदरात सध्याच्या पातळीपेक्षा चढेच राहतील.या गोष्टीमुळे देशांतर्गत अर्थव्यवस्थेवर परिणाम नक्कीच झालेला दिसेल. निर्यात प्रधान उद्योग क्षेत्रे जसे की माहिती तंत्रज्ञान, आभूषणे, वैद्यकीय सेवा, औषध निर्मिती या उद्योगांतील कंपन्यांच्या उत्सर्जनात घट झालेली दिसेल किंवा उसर्जानात फार वाढ अपेक्षित नाही तर देशांतर्गत अर्थव्यवस्थेशी समंधीत बँकिंग ऑटो, सिमेंट यांच्या उत्सर्जनात वाढ होण्याची आशा आहे. थोडक्यात सांगायचे तर नवीन कॅलेंडर वर्षाचा पूर्वार्धात बाजाराला वेगवेगळ्या घटनांना सामोरे जावे लागणार आहे. जसे की अर्थ संकल्प. त्यामुळे नवीन कॅलेंडर वर्षाचा पूर्वार्धात बाजारात टोकाची अस्थिरता असेल परंतु उत्तरार्धात म्युच्युअल गुंतवणूकदारांना नक्कीच दिलास मिळेल.
तुम्ही आयडीएफसी फ्लेक्झीकॅप आणि आयडीएफसी मिडकॅप हे दोन फंड व्यवस्थापित करता. या फंडांपैकी कोणता फंड अधिक परतावा देईल असे वाटते?
फंडाची निवड भविष्यातील अपेक्षित परताव्यावर न ठेवता गुंतवणूकदाराच्या जोखीमंकावर ठरायला हवी. कदाचित हे दोन्ही फंड एका वर्षात अपेक्षित नफा देणार नाहीत परंतु तीन ते पाच वर्षांचा विचार करता या दोन फंडांपैकी आयडीएफसी फ्लेक्झीकॅप फंड हा मिडकॅप फंडाच्या तुलनेने कमी अस्थिर असलेला फंड आहे. तर मिडकॅप हा अधिक अस्थिर म्हणून पाच वर्षात अधिक परतावा अपेक्षित असलेला फंड आहे . फ्लेक्झीकॅपफंडांच्या कामगिरीत सुधारणा झालेली दिसत आहे तर आयडीएफसी फ्लेक्झीकॅप फंड १७ वर्षे जुना फंड असून गुंतवणूकदारांच्या पसंतीला उतरलेला फंड आहे. मिडकॅप फंडाचा एनएफओ ऑगस्ट २०२२ मध्ये आला होता. आयडीएफसी फ्लेक्झीकॅप फंड संपती निर्मितीत सिद्ध तर मिडकॅप फंड अजून बाल्यावस्थेत असलेला फंड आहे. जोखीमांकानुसार फंड निवड केली तर निर्णय चुकला असे वाटणार नाही.

-सचिन रेळेकर
निधी व्यवस्थापक, आयडीएफसी म्युच्युअल फंड