निरंतर तेजी नंतर स्थिरावणारे वर्ष
म्युच्युअल फंड रेटिंग हे सामान्यतः एकाच फंड गटातील फंडांच्या तुलनेत विशिष्ट फंडांच्या कामगिरीचे मोजमाप असते. परतावा आणि जोखीम या दोन्हींचा समतोल साधणाऱ्या फंडांना फोर स्टार किंवा फाईव्ह स्टार रेटिंग मिळते. कॅनरा रोबेको फंड घराण्यांचे निधी व्यवस्थापक श्रीदत्त भांडवलदार हे सर्वाधिक फोर स्टार किंवा फाईव्ह स्टार फंड रेटिंग असलेले निधी व्यवस्थापक आहेत. कॅनरा रोबेको ब्लूचीप (फाईव्ह स्टार) आणि कॅनरा रोबेको इमर्जिंग इक्वीटीज (फोर स्टार) कॅनरा रोबेको फ्लेक्झी कॅप (फोर स्टार) हे फंड सुरवातीपासून (२०१३ पासून) लोकसत्ता कर्ते म्युच्युअल फंड यादीचा भाग आहेत. लोकसत्ता कर्ते म्युच्युअल फंड यादीचे भाग अससेल्या फंडांच्या निधी व्यवस्थापकांना भेटून या फंडाबद्दल अधिक जाणून घेणे हा नित्यनेमात कोरोन अडथळ्यामुळे खंड पडलेला नाही. प्रत्यक्ष भेटी ऐवजी संभाषण तंत्रज्ञानाच्या माध्यमातून होत असते. परताव्यात सातत्य राखलेल्या या फंड घराण्याचे समभाग गुंतवणूक प्रमुख असलेल्या श्रीदत्त भांडवलदार यांच्याशी झालेल्या संभाषणाचा हा गोषवारा