या धनत्रयोदशीला निवृत्ती नियोजनाचे नियोजन करा!
आपले निवृत्तीपश्चात नियोजन वाटते तितके सोपे मुळीच नाही. आपल्या कमावत्या दिवसांत आपण आपले आर्थिक नियोजन कसे करता या वर तुमचे निवृत्तीपश्चातचे जीवन कसे घालवू शकतो हे ठरत असते. आपल्या कमाईच्या वर्षांमध्ये सेवानिवृत्तीचा निधी जितका जास्त असेल तितके आपले सेवानिवृत्ती पश्चातचे जीवन अधिक जीवन सोपे होऊ शकते.
तुमच्या निवृत्तीनियोजनाची तयारी लवकर करा.
निवृत्तीसाठी लवकर योजना करा
सेवानिवृत्ती कोषाचे व्यवस्थापन
पुरेसा सेवानिवृत्ती निधी तयार करण्यासाठी दोन प्रमुख उपाय आहेत. पहिला उपाय बचातीस लवकर सुरवात करणे आणि दुसरा मोठा हिस्सा इक्विटी आणि इक्विटी म्युच्युअल फंडांत गुंतविणे. पहिल्या उपायामुळे तुमच्या पैशाला दीर्घ कालावधीसाठी चक्रवाढ लाभ होईल. आणि समभाग आणि समभाग संलग्न गुतावाणूकीच्या उच्च परतावा व्युत्पन्न करण्याच्या क्षमतेमुळे चाक्रवाढीचा दर अधिक असल्याने तुमच्या बचतीचे मूल्य तुम्ही टिकवून ठेवू शकाल. उदाहरणार्थ, वार्षिक १२ टक्के परतावा गृहीत धरून २५ च्या वर्षांपासून ६०व्या वर्षापर्यंत मासिक १० हजाराने सुरवात करून दर वर्षी त्यात ५ टक्के वाढ केल्यास १.08 कोटींच्या मुद्दलावर ९.९६ कोटी रक्कम ६०व्या वर्षी उपलब्ध असेल. परंतु गुंतवणुकीस ५ वर्षांचा विलंब केल्यास ५.२५ कोटी चा कोश उपलब्ध होईल. वयाच्या ३० व्या वर्षी म्हणजे ५ वर्षे विलंबाने गुंतवणुकीस सुरवात केल्यास आणि गुंतवणुकीत वार्षिक वाढ न केल्यास ३.२५ कोटी उपलब्ध होतील.
एसआयपी रक्कमेत वार्षिक वाढ करणे आणि निवृत्ती नियोजनाच्या बचतीस लवकर सुरवात करणे गरजेचे आहे. त्याच बरोबर पुरेशा रक्कमेचा तुमचा वैद्यकीय विमा असणे देखील आवश्यक आहे जेणेकरुन सेवानिवृत्तीनंतरचे कोणतेही मोठे आरोग्य विषयक खर्च विमा कंपनी देईल. आणि निवृत्ती नियोजन कोष अबाधित राहील. एसआयपी प्रमाणे, येथेही लहान वयात आरोग्य विमा घेतल्यास विम्याचा हप्ता कमी बसेल.
निवृत्ती नियोजनाचा तिसरा भाग म्हणजे तुमचा निवृत्ती कोष किमान ३० वर्षे टिकून राहण्यास सक्षम असायला हवा. तुम्ही आणि तुमच्या जीवनसाथीपैकी शेवटच्या हयात असलेल्या जोडीदारापेक्षा जास्त काळ हा कोश तग धरू शकेल याची दक्षता घेणे आवश्यक आहे. हे उद्दिष्ट पूर्ण करण्यासाठी, निवृत्तीनंतरही म्युच्युअल फंडांची जोखीम घेण्याच्या क्षमतेनुसार पोर्टफोलिओचे काही भाग वाटप महागाईवर मात करण्यास मदत करू शकतो.