यशाची पुढे दिव्य आशा असे

फ्रँकलिन इंडिया ब्लूचिपची २००८-०९ मधील तीव्र घसरणीमध्ये चांगल्या प्रकारे उतार-चढावांचा सामना केला आहे. आणि घसरणी पश्चातच्या तेजीत चांगली कामगिरी केली आहे. पाच, सात दहा, पंधरा वीस आणि तीस वर्षांच्या कालावधीत, फंडाने मानदंड सापेक्ष आणि फंड गट सरासरी सापेक्ष चांगली कामगिरी केली आहे. तीस वर्षांहून अधिक कालावधीचा विचार केला तर एचडीएफसी लार्जकॅप (एचडीएफसी टॉप १००) टाटा लार्जकॅप, फ्रँकलिन इंडिया ब्लूचिप टोरस लार्जकॅप जेएम लार्जकॅप, एलआयसी एमएफ लार्जकॅप या फंडात सर्वाधिक संपत्ती निर्मिती करणाऱ्या लार्जकॅप मध्ये फ्रँकलिन इंडिया ब्लूचिप दुसऱ्या क्रमांकावर आहे. फंडाच्या पोर्टफोलिओमध्ये ४७ ते ४८ कंपन्या असतात. आघाडीच्या ५ कंपन्यांचे प्रमाण ३० टक्के तर आघाडीच्या १० कंपन्यांचे प्रमाण ५० टक्के असते. मागील साठ महिने एचडीएफसी बँक, आयसीआयसीआयसीआय बँक एक्सीस बँक सर्वाधिक गुंतवणूक असलेल्या बँका होत्या. गुंतवणुकीत १२ ते १३ उद्योग क्षेत्रांचा समावेश असतो. मागील १२ तिमाहीत बँका आणि वित्तीय सेवा (बीएफएसआय) सर्वाधिक पसंतीचे उद्योग क्षेत्र आहे. फ्रँकलिन इंडिया ब्लूचिपच्या गुंतवणुकीत माहिती तंत्रज्ञान ऑटोमोबाईल्स आणि ग्राहक उपयोगी वस्तू आरोग्य निगा क्षेत्रात मानदंड सापेक्ष अधिक गुंतवणूक आहे. फंडाची जानेवारी अखेरीस ७४०८ कोटीची मालमात्त असून खर्चाचे हे प्रमाण १.८९ टक्के आहे. फ्रँकलिन इंडिया ब्लूचिप फंडाने मागील एका वर्षात ३.२३ टक्के परतावा दिलेला असला तर मागील ३२ वर्षात फंडाने १८.०९ टक्के वार्षिक वृद्धी दर राखला आहे. फंडाची स्थिर परतावा देण्याच्या दीर्घकालीन कामगिरी लक्षात घेता, पाच वर्षे किंवा त्यापेक्षा अधिक कालावधीसाठी या फंडाची शिफारस करीत आहे.