‘आनंदा’चे डोही आनंदतरंग

आनंद राधाकृष्णन हे या फंडाचे निधी व्यवस्थापक असून या फंड घराण्यांचे मुख्य गुंतवणूक अधिकारी आहेत. ते या फंड गटातील निधी व्यवस्थापकांपैकी सर्वाधिक अनुभवी निधी व्यवस्थापक आहेत. हा सक्रीय व्यवस्थापित फंड असला तरी गुंतवणूक राखून ठेवण्याच्या रणनीतीमुळे फंड गटात पोर्टफ़ोलिओ टर्न ओव्हर रेशो कमी असलेला हा फंड आहे. मागील सहा महिन्यांत निधी व्यवस्थापकांनी नव्याने कोणत्याही कंपनीचा नव्याने समावेश केलेला नसून गुंतवणुकीतून करुर वैश्य बँकेला वगळले. आयसीआयसीआय बँक इंफोसीस एचडीएफसी बँक, अॅक्सीस बँक यांची मात्रा कमी केली तरभारती एअर टेल युनायटेड स्पिरीट्स युनायटेड ब्रेवरेजेस आदित्य बिर्ला फॅशन्स यांची मात्रा वाढवली. फंडाचा पोर्टफ़ोलिओ ५२ कंपन्यांचा असून बँका, आयटी आणि टेलिकॉम ही सर्वाधिक गुंतवणूक असलेली उद्योग क्षेत्रे असून पोर्टफोलिओचा ४४ टक्के हिस्सा या तीन उद्योग क्षेत्रांनी व्यापला आहे. फंडाच्या गुंतवणुकीत ३० ओक्टोबर रोजी ७३.६४ टक्के लार्ज कॅप १६.४३ टक्के मिड कॅप आणि ४.३७ टक्के स्मॉल-कॅप्सची व्याप्ती होती.