'निर्मिती क्षेत्र परतावाददृष्ट्या आकर्षक'

मध्यम ते दीर्घ कालावधीसाठी भारताच्या विकासाच्या संधी विविध क्षेत्रांमधील उपलब्ध आहेत जसे की उपभोग (कंझंपशन),  उत्पादन, सेवा आणि पायाभूत सुविधा यांचा आम्ही  गुंतवणुकीसाठी विचार करीत आहोत. एक थीम म्हणून उत्पादन क्षेत्र आकर्षक परतावा देऊ शकेल पीएलआय योजना, कॉर्पोरेट कर कपात, यामुळे आपली  उत्पादने अधिक स्पर्धात्मक बनतील. लॉजिस्टिक क्षेत्रातील उपाययोजना, इत्यादी सारख्या विविध उपायांच्या घोषणामुळे उत्पादन क्षेत्राला सुगीचे दिवस दिसतील. सरकारचा जोर पुढील दशकात किंवा त्याहून अधिक काळ उत्पादन क्षेत्राला प्रोत्साहन देण्याचा असेल. सरकारच्या धोरणांमुळे भारताची लोकसंख्या आणि कमी खर्चात उपलब्ध असणारे मनुष्यबळ लक्षात घेता, अनेक बहुराष्ट्रीय कंपन्या भौगीलिक विविधता आणण्याचा पर्याय म्हणून उदयोन्मुख बाजारपेठांकडे पाहत आहेत. आम्हाला विश्वास आहे की भारतामध्ये पुढील दहा वर्षांत जागतिक उत्पादन केंद्र बनण्याची क्षमता बाळगून आहे. यामुळे केवळ उत्पादनालाच चालना मिळेल असे नाही तर येत्या काही वर्षांत दर डोई उत्पन्नात वाढ झाल्याने उपभोगाची भौमितिक वाढ (जोमेट्रीक प्रोग्रेशन) होऊ शकते. लोकसंख्येचा मोठा हिस्सा कमवत्या वयातील व्यक्तींचा असणे वाढते दर डोई उत्पन्न आणि वस्तू आणि सेवा यांचा विस्तार या सारख्या  संरचनात्मक बदलांमुळे भारताच्या उद्योग जगताला मोठा फायदा होण्याची शक्यता आहे. वेगवेगळ्या उद्योग क्षेत्राबाबत विचार करायचा तर, आम्ही ग्राहकांच्या विवेकी खरेदी (कन्झ्युमर डीसक्रीशनरी) वाहन आणि वाहन पूरक उद्योग आणि सेवा या बाबतीत सकारात्मक आहोत. आकर्षक मूल्यांकनांमुळे, एल निनो परिस्थितीमुळे आगामी काळात वीजेच्या मागणीत वाढ अपेक्षित आहे. गेल्या वर्षभरात वीज निर्मिती आणि वीज वितरण क्षेत्रासाठी करण्यात आलेल्या सुधारणा या क्षेत्रासाठीही सकारात्मक आहेत, माहिती तंत्रज्ञान क्षेत्रात नफा क्षमतेत (मार्जिन) सामान्यीकरणामुळे आयटी क्षेत्रातील कमाईत होणारी घसरण संपुष्टात आली आहे.