प्रत्यक्षाहून प्रतिमा उत्कठ

जर तुम्ही अभ्यासू म्युच्युअल फंड गुंतवणूकदार असाल, तर तुमची ज्या फंडात गुंतवणूक आहे त्या फंडाच्या निधी व्यवस्थापकाची मागील दहा वर्षातील कामगिरी तुम्ही तपासू शकता. परंतु असे दिसते कि गेल्या पाच वर्षांमध्ये बहुसंख्य फंडांच्या निधी व्यवस्थापकांत बदल झाले, यामुळे फंडाचा वर्तमान व्यवस्थापकाच्या किंवा त्याच्या पूर्वसुरींच्या कारकिर्दीतील कामगिरी तपासणे कठीण होते. एचडीएफसी बॅलन्स्ड अॅडव्हांटेज (आधीचा एचडीएफसी प्रुडन्स, जो नंतर एचडीएफसी ग्रोथमध्ये विलीन झाला), एचडीएफसी फ्लेक्सिकॅप (एचडीएफसी इक्विटी) आणि एचडीएफसी टॉप १०० (एचडीएफसी टॉप २००) सारखे फंड प्रशांत जैन व्यवस्थापित करीत असत. प्रशांत जैन हे भारतीय मालमत्ता व्यवस्थापन उद्योगातील असे दुर्मिळ निधी व्यवस्थापक होते, ज्यांचा प्रायोजकांपेक्षा आपल्या गुंतवणूकदारांवर अधिक प्रभाव होता. २००४ ते २०२२ या १८ वर्षांच्या कालावधीत १३ वर्षे त्यांचे फंड अप्पर लोअर किंवा लोअर क्वारटाइल मध्ये होते. तरीही भारतीय म्युच्युअल फंड उद्योगाचा चेहरा ( ‘पोस्टर बॉय’) होते.एचडीएफसी इक्विटी आणि एचडीएफसी प्रुडन्स यांची सुरुवात मागील शतकातील नव्वदच्या दशकात झाली. एचडीएफसी एएमसीने झुरिचवर २००३ मध्ये ताबा घेतला तेव्हापासून प्रशांत जैन हे एचडीएफसी म्युच्युअल फंडाच्या समभाग गुंतवणुकीचे प्रमुख झाले. जागतिक स्तरावर, वॉरेन बफेट, पीटर लिंच किंवा स्टॅनले ड्रकनमिलर यांसारखे फंड व्यवस्थापक केवळ ५ किंवा १० वर्षे नव्हे तर अनेक बाजार आवर्तनांचा अनुभव होता. डॉटकॉम तेजीत चमकणारे अनेक भारतीय स्टार व्यवस्थापकांचे पोर्टफोलिओचा लयाला जातांना पहिले. हे निधी व्यवस्थापक २००३ ते २००७ या कालावधीत तेजीत पुनरागमन शकले नाहीत. त्यांच्या गुंतवणुक शैली साधी, सरळ आणि अंदाज लावता येणारी होती, ते कधीही ‘ग्रोथ फंड मॅनेजर’ नव्हते. वाजवी मुल्यांकन असलेल्या आणि वाजवी वृद्धीदर असलेल्या व्यवसायांमध्ये गुंतवणूक करण्यावर त्यांचा भर होता. ते मुख्यत्वे दीर्घकालासाठी खरेदी आणि ती गुंतवणुक राखून ठेवणारे ते निधी व्यवस्थापक होते. त्यांच्या रणनितीवर त्यांच्या दांडगा विश्वास होता. कामगिरी खराब असताच्या काळात त्यांच्या गुंतवणुका बाबत ते ठाम असत. रणनीती अनुकूल नसताना आणि फंडाची कामगिरी खराब होत असतांना असतानाही, ते गुंतवणुकीच्या दृष्टिकोबाबत ते विचलित होत नसत. त्यांच्या फंड घराण्याचा ते चेहरा असल्याने त्याच्या २०१३ ,२०१५, २०२० मधील चुकलेल्या खेळींच्या वेळी फंड घराण्याचे व्यवस्थापन त्यांच्या पाठीशी खंबीर उभे राहिल्याने ते एचडीएफसी फंड घराण्यात प्रदीर्घ कारकीर्द व्यतीत करू शकले. कामगिरी खराब होत असतांना प्रशांत जैन त्यांच्या भूमिकेवर ठाम राहिल्याने या कठीण काळानंतर त्यांच्या पोर्टफोलिओमध्ये कोणताही मोठे मंथन दिसून आले नाही. परिणामी कठीण काळ सरल्यावर २०१४, २०१६ २०२१ मध्ये त्यांच्या फंडांनी यशस्वी पुनरागमन केले. त्याच्या फंडातील गुंतवणूकदारांसाठी, संयम हा परतावा मिळविण्यात महत्त्वाचा घटक ठरला. प्रशांत जैन यांच्या फंडात बराच काळ गुंतवणूक केल्याने त्यांच्या गुंतवणुकीच्या शैलीशी परिचय असलेल्या गुंतवणूकदारांसाठी फंडाच्या परताव्याची ही अस्थिरता आश्चर्यकारक नव्हती. परंतु नवख्या गुंतवणूकदारांसाठी, ही संयमाची परीक्षा होती.